الهجرة والعمل بالخليج

Shape Image One
الهجرة والعمل بالخليج

للخروج للخليج فما 3طرق فقط باش نعطيهملكم بالتفصيل الممل اما قبل كل شي راهو اي شخص يقلك كونترا في الخليج بفلوس راهو متحيل مافماش حاجة اسمها كونترا بفلوس.

1-عن طريق وكالة التعاون الفني على طريق الدولة موقعهم موجود في الانترنات وديما فيه وظائف ويكون مجاني هوما الي يعملولك كل شي.

2-فما شركات في الخليج تندب موظفنين في تونس يعملو يوم مفتوح للتوظيف ويكون اغلبهم موظفين طيران او مبيعات وهوما يعطيوك تذكرة الطيران والفيزاوالسكنة بلاش ماتدفع حتى فرنك.

3-وهيا اهم حاجة الي تمثل اغلب الشباب التونسي الي يخرج وحدو قبل ماتخمم في الخروج خمم انك تكون مؤهل للخروج اول حاجة اللغة الانجلزية تصرف اعمل فورماسيون اقرا تعلم ضحي بشهرين تعلم فيهم لغة من غير انجلزية ماغير ماتجي كلمة الحق تقال ثاني حاجة اعمل معادلة لشهايدة في سفارة الدولة الي باش تمشيلها و ترجم شهايد الخبرة متاعك بالاخص للي جاين في مجال الصحة التعليم المحاسبة الهندسة السياحة برشا ناس ماعندهمش شهايد جامعية او تكوين مهني على الاقل فرصتك الوحيدة انك تتقن الانجلزية وتشوف وظيفة ماتستحقش شهايد كيما المبيعات كول سنتر نصيحة لاصحاب المهن اليدوية نجار دهان حداد بلومبي سارفار الى اخره من غير ماتخمم في الهجرة الى الخليج المهن هذي مسيطرة عليها اليد العاملة الاسيوية هند سيرلنكا ورواتبها ضعيفة جدا مش كيف اوروبا في تونس صاحب الصنعة يخلص خير من الخليج.

اول خطوة الفيزا تنجم تقدم عليها لاي دولة خليجية عن طريق موقعها الحكومي اون لاين ولا عن طريق وكالات الاسفار وتنجم زادا تمشي للسفارة مباشرة اسوامها فيزا 3شهور تقريب مليون فما شهرين وشهر يكونو ارخص وتخرج في ظرف 48ساعة خرجت فيزتك مازالت من اهم الحاجات السكن تدخل الى موقع اسمو dubbizle تلقى فيه الاف الناس مهبطة شومبر ولا فرش للكراء كل واحد حسب ظروفو المادية اهم حاجة انك تختار الموقع يكون قريب لاي محطة ميترو او باصات باش يسهلك التنقل تتفاهم مع صاحب البيت او الغرفة على الواتساب تاخذ طيارتك من المطار تاخذ تاكسي الى موقع السكن الى تفاهمت معاه من موقع.

lien: https://www.facebook.com/groups/319798895585952/permalink/333054264260415